الوظيفة الحكومية كانت الأمان بعض من الوقت لشرائح المجتمع المختلفة، وكان الأغلب سعيه في اقتناص الوظيفة الحكومية والثبات فيها لأنها بتكون شط الأمان بنسبه له من حيث الأمان المادي والأجتماعي والصحي والوظيفي 

ولكن الأحوال بتتغير دايمًا ومفيش حاجة بتفضل ثابتة، كل حاجة حوالينا بقت ديناميكية

بشكل سريع جدًا وأصبحنا مطالبين بأننا نواكب السرعة والتغيير ومنها أتبدلت مشاعر الأمان لمشاعر خوف وتوتر وقلق 

في مقولة بتقول ” لكي تهرب من الخوف، عليك أن تمر به، وليس من حوله” فيما معناه: أن عشان تعدي مشاعر الخوف والقلق لازم تشعر بيهم عشان تتخطاهم كويس ومن ثم تشعر بعدم التوتر الوظيفي والأمان المادي 

حاليًا أصبح الأتجاه السائد في العمل هو أن يكون لك عمل خاص بجانب عملك أو عمل خاص لوحده ويبقي هو أساس شغلك، وبقي أجباري أنك تدور علي أكتر من مصدررزق ومنهم إنك تفتح مشروع خاص بك وممكن نختصر خطوات قيام المشروع في النقاط دي:

 أختيار الفكرة: فكرة المشروع هي أساس المشروع وبيكون لها مقاييس مختلفة عشان تصلح للمشروع ومنها أنها بتكون بتلبي أحتياج أساسي للجمهور اللي هيستخدم المنتج أو الخدمة أو تكون الفكرة دي بتحل مشكلة موجودة بالفعل 

  تحديد الهدف من المشروع: من أهم خطوات المشروع هو معرفة الهدف منه لأن دا هيكون هو الأساس اللي هتعمل عليه خطة مشروعك وتحقق من خلالها أهدافك للمشروع وتحقق الأهداف المادية 

  تحديد أسم للمشروع ومعرفة الهدف من وراء الأسم لأنه هيكون هو الأسم للبراند بتاعك وبشكل كبير هيكون الأسم اللي هتكون مستمر بيه 

  تحديد فريق العمل: أهم وأقوي خطوة في المشروع وهو أختيار فريق العمل المناسب ليا ويكون قادر علي تحقيق أهداف المشروع أو الشركة 

  خطة العمل ورأس المال: مهم وضع خطة عمل واضحة ومحسوب فيها كل حاجة لأنها هتكون المسار اللي الفريق والشركة هتمشي عليه، فلازم يكون واضح ورأس المال يكون مظبوط قبل أي بدء لأي حاجة 

  إنشاء المنتج الخاص بك: بعد إنشاء خطة العمل، بنفكر في المنتج بتاعنا لازم يكون بالمواصفات اللي بتكون محددها عن الفكرة الموجودة قبل كدا ووبعدها ننفذه ونجرب ننزله للسوق 

  تأمين تكاليف التشغيل: لازم التكاليف تكون واضحة ومحسوبة بالظبط، ودا بيكون محسوب من رأس المال، فبتالي بتقدر أنك تحدد الخساير وتقللها قدر الأمكان 

   الناحية القانونية: لازم تكون عارف الأوراق المطلوبة كويس للشركة أو لمشروعك لأنك هتحتاجها في التأسيس الرسمي لشركتك أو ممكن تشوف محامي شاطر يظبط كل حاجة 

   إطلاق المشروع والبدء فيه