القبول في أي وظيفة بيكون له عوامل مختلفة مش بس أنك تعدي الأنترفيو وتتقبل في الوظيفة، هو بيعتمد علي أنك أزاي تجهز نفسك للوظيفة صح وتقدر أنك توصل للأنترفيو بدون أي عوائق
أهم خطوة للوصول للأنترفيو هي الـ CV ” السيرة الذاتية” تعتبر أول وأهم خطوة الشركة بتعرفك منها وتحديدًا موظف الـ HR لأنه أول واحد بيشوف الـ CV وعلي أساسه بتوصل لمرحلة الأنترفيو

أهم خطوات لكتابة الـ CV:
1 كتابة البيانات الشخصية في البداية ويحتوي علي بعض النقاط ( الأسم/ تاريخ الميلاد/ الموطن/ رقم الهاتف/ الأيميل/ الحالة الإجتماعية)
2 كتابة الخبرات العملية في مجالك وليكن دراستك الجامعية ودرجة تخرجك منها ومن بعدها بنضيف الخبرات الي أخدتها في الفترة دي زي:
Faculty of Commerce, Cairo University 2016
3 كتابة الخبرات الوظيفية بداية من آخر وظيفة أنت أشتغلتها لحد أول وظيفة أشتغلتها ويبقي التسلسل من الحديث للقديم في خبرتك وممكن تكتبها بالطريقة دي:
Copy writer oct2020 Nov2020 –
Writing clear, compelling copy for various mediums (e g ads, blog posts, newsletters)
Conducting thorough research and interviews Working with creative
وهكذا في باقي الوظايف اللي أشتغلتها نكتب أسم الوظيفة والتاريخ وكنت بتعمل أية في الوظيفة
4 كتابة الدورات العلمية و التدريبية في خلال فترة الدراسة أو العمل
مثال: Udacity digital marketing course Oct2020 Nov2020

5 كتابة المهارات الشخصية والمهارات التطبيقية وبنكتب هنا كل مهارة تمتلكها في العمل مثل: مهارة الكتابة السريعة أو مهارات الكمبيوتر وإيضا المهارات الشخصية و الفردية

يعتبر دي أهم النقاط لكتابة السيرة الذاتية وممكن كمان نضيف عليها عنواين أضافية علي حسب خبرتك ومجالك وبكدة تكون جهزت للأنترفيو اللي بيأهلك للوظيفة