كتير من الوقت بيضيع في حاجات ملهاش أهمية أو بتكون غير نافعة ليك بشكل أو بآخر ودا بيكون بسبب أنك مش محدد أهدافك وغرضك الأساسي وعدم تنظيمك للوقت بشكل كبيرهو العامل الأساسي في عدم تحقيق أهدافك ووقتك
إليك أهم النصائح هتساعدك في تنظيم وقتك:
1 أعرف الوقت بيروح فين:
تحليل وقتنا من أهم الخطوات الي هتساعدنا في تنظيم الوقت بشكل كبير، لأنك هنا هتحدد نشاطات يومك ماشية أزاي وعلي أساسها بتعرف تحدد أيه أكتر حاجة بتضيع وقت في اليوم أو بتاخد وقت أكتر من اللازم في تنفيذها وتبدأ تدي كل حاجة حقها وتنظم وقتك بشكل صح
2 حدد هدف اليوم الجديد قبل ماتنام:
وضع أهداف لليوم قبل ما يبدأ من أحسن النقاط اللي ممكن الشخص يعملها عشان ينظم يومه ووقته وأهدافه من اليوم دا، ودا بيكون من خلال عمل خطة لـ tasks اليومية الي مفروض تتعمل وده بيخليك تحس بانجاز لما بتخلصها
3 حدد وقت لكل :Task
الـتاسكات الي عليك مش هتخلص لو سبتها من غير Deadline لانك هتفضل تأجل فيها لحد متعملهاش خالص، فأربط الـ task بوقت معين ولنفترض أنك هتذاكر أقتصاد وأحصاء انهاردة يبقي هتعمل جدول بسيط ونحدد وقت الأقتصاد من 6 لـ 7 و15 دقيقة راحة وبعدين الأحصاء من 7 وربع لـ 8 وربع وهكذا في كل مهام اليوم
4 تاسك في الأيد احسن من 10 علي الشجرة:
حاول متشتش نفسك في كذا task مع بعض يعني لو هتذاكر يبقي مادة مادة مش كله مع بعض لأنك لو معملتش كدة هتلاقي نفسك مخلصتش حاجة وساعتها هتحس بالإحباط

5 اهتم بالـ break حتي لو 15 دقيقة:
اهتمامك براحتك بين كل مهمة والتانية هيزود من نشاطك وبالتالي هتلاقي نفسك خلصت كل الي عليك من غير ماتحس بالزهق أو التعب من الـ tasks بتاعه اليوم